نكته تونسية Blague Tunisienne

نهار المعلّم مشا في زيارة فجعية...
قربلو مواطن و قالّو : عاونّي سيّد الرئيس براس تونس.
قالّو : شنوّة تحبّ
قالّو : رخصة متاع لُوَاجْ
الرئيس دار للمستشار متاعو و قالّو : أعطيييييه رخصة متاع لُوَاجْ
المواطن : يحياااااااا بن علييييي، بن علييييي 2009
الرئيس ضحك و مشا لقدّام. شويّة قربلو مواطن آخر و قالّو : عاونّي أنا زادة و نحبّ رخصة متاع تاكسيفون.
دار للمستشار متاعو و قالّو : أعطيييييه رخصة متاع تاكسيفون.
جاه مواطن آخر و قالّو : نحبّ زوز بقرات باش نعمل الفلاحة
دار للمستشار متاعو و قالّو : أعطيييييه أربعة بقرات
جاه مواطن آخر و قالّو : نحبّ دار
دار للمستشار متاعو و قالّو : أعطيييييه دار
زاد قدّم شويّة، ياخي شاف راجل قاعد تحت حيط و ضاهر عليه مزمّر. مشالو و قالّو : تحبّشي نعاونك بحاجة؟
قالّو : أعطيني عصـ....ـة
دارو بيه البولسيّة باش يهزوه، شويّة المعلّم قاللهم : سيّبوه. و دار للمستشار متاعو و قالّو : أعطيه شنوّة يحبّ.
المستشار : كيفاش سيّد الرئيس ؟
قالّو : أعطيييـييه، ياخي لُخْرينْ شنوّة باش ياخذو